ჰოსტინგის ანგარიშის შექმნა

speedline.ge-ს მომხმარებლის ანგარიშის გააქტიურება ხდება შეკვეთის გაკეთებისა და მომსახურების საფასურის სრულად გადახდიდის მომენტიდან 24 საათის განმავლობაში.

რას ნიშნავს "ჰოსტინგი შეუზღუდვების გარეშე"?

თქვენი საიტის განვითარებისა და პოპულარობის ზრდის პარალელურად სერვერის რესურსების გაზრდილ გამოყენებაზე, ასევე სხვა საიტების განთავსებაზე თქვენ არ გიწევთ დამატებითი საფასურის გადახდა. "შეუზღუდავი" ასევე არ ნიშნავს "საავტორო უფლებების" დარღვევას, "სავაჭრო ნიშნების" უნებართვო გამოყენებას, "სპამერობას", "ჰაკერულ" საქმიანობას და ა.შ. speedline.ge -ს მიერ სერვისების გამოყენება ნებადართულია მხოლოდ აქ მოცემული "მომსახურების პირობების" და საქართველოს კანონმდებლობით დაშვებულ ფარგლებში. აკრძალული მასალები ყველაფრის განთავსებაა ნებადართული რაც არ ეწინააღმდეგება საქართველოს კანონმდებლობას. აკრძალული ინფორმაცია და მასალები წაიშლება, ხოლო დარღვევის სიმძიმიდან გამომდინარე მომხმარებლის ანგარიში შესაძლოა დროებით შეჩერდეს ან გაუქმდეს წინასწარი გაფრთხილებით ან მის გარეშე. თუ თქვენ თვლით, რომ ჩვენთან განთავსებული რომელიმე საიტი არღვევს თქვენს საავტორო უფლებებს, უნებართვოდ იყენებს თქვენს სავაჭრო ნიშანს ან გამოქვეყნებული აქვს თქვენი პერსონალური ინფორმაცია, გთხოვთ დაგვიკავშირდეთ შემდეგ ელ-ფოსტაზე: info@speedline.ge

აკრძალული აპლიკაციები

აკრძალულია ისეთი აპლიკაციების/სკრიპტების განთავსება რომელთა მიერაც სერვერების რესურსების (პროცესორი, ოპერატიული მეხსიერება და ა.შ.) გამოყენების სიდიდან გამომდინარე საჭიროებენ გამოყოფილ სერვერებს ან არღვევენ მესამე მხარის უფლებებს.

სპამი

მომხმარებლების მხრიდან ელ-გზავნილების მასიური დაგზავნის შემთხვევაში მიმღები პირების მხრიდან შესაბამისი მოთხოვნის გარეშე, მათი ანგარიში შეჩერდება გაფრთხილების შემდეგ ან მის გარეშე. ელ-ფოსტის მასიური დაგზავნა ნებადართულია, მხოლოდ მომხარებლების მხრიდან მასზე ხელმოწერის შემდეგ, ამავედროულად გაგზავნილ წერილებს უნდა მიყვებოდეს ბმული, საიდანაც შესაძლებელი იქნება ხელმოწერის გაუქმება. თუკი მომხმარებლის მხრიდან სპამის დაგზავნამ გამოიწვია ჩვენი IP მისამართების შავ სიებში შეტანა, მაშინ მისი ანგარიში შეიძლება გაუქმდეს და წაიშალოს ყოველგვარი გაფრთხილების გარეშე. მიუხედავად იმისა ხართ თუ არა ჩვენი მომხმარებელი, თუკი ჩვენს სერვერებზე განთავსებული დომენებიდან ხდება თქვენთან სპამის გამოგზავნა, მაშინ გთხოვთ დაგვიკავშირდეთ შემდეგ ელ-ფოსტაზე: info@speedline.ge

ჰაკერული საქმიანობა და ვირუსები

აკრძალულია ჩვენი სერვისის გამოყენება ვირუსების გავრცელებისთვის, დაფლუდვისთვის და დოს შეტევების განსახორციელებლად. ასევე აკრძალულია ჰაკერული საქმიანობა, რომელიც მოიცავს მაგრამ არ შემოიფარგლება მესმაე მხარეთა ანგარიშებში, კომპიუტერებში ან ქსელში არაავტორიზებული შეღწევით ან მისი მცდელობით. ზემოთ აღწერილი საქმიანობის შემთხვევაში მომხმარებლის ანგარიში გაუქმდება და წაიშლება ყოველგვარი გაფრთხილების გარეშე, ხოლო მომხმარებელს სამუდამოდ აეკრძალება ჩვენი სერვისების გამოყენება.

შეუზღუდავი დომენები

ახალი საიტების ინტერნეტში გაშვებისას თქვენ არ გჭირდებათ ჰოსტინგის ახალი ანგარიშების გახსნა და შეგიძლიათ ამისთვის გამოიყენოთ ჰოსტინგის არსებული ანგარიში, რადგან ჩვენს მიერ დომენების რაოდენობაზე არანაირი შეზღუდვა არაა დაწესებული.

შეუზღუდავი ვებ-სივრცე

speedline.ge-ის მიერ არაა დადგენილი რაიმე კონკრეტული სახის შეზღუდვა გამოყენებული ვებ-სივრცის მოცულობაზე და ამგვარად თქვენი საიტის მიერ დაკავებული სივრცის ზრდა არ იწვევს დამატებით დანახარჯებს. თუმცა მიაქციეთ ყურადღება, რომ ჩვენი სერვისი გათვლილია ვებ-გვერდებისათვის და არა მაგალითად ფაილების, დოკუმენტების, ლოგების, ბექაფების შესანახად. ასეთი სახის აკრძალული ფორმით ჩვენი სერვისების გამოყენება გამოიწვევს ჰოსტინგის ანგარიშის შეჩერებას ან გაუქმებას წინასწარი გაფრთხილებით ან მის გარეშე.

შეუზღუდავი ტრაფიკი speedline.ge-ის მიერ არაა დადგენილი რაიმე კონკრეტული სახის შეზღუდვა ტრაფიკზე, თუმცა ჩვენ უფლებას ვიტოვებთ კონკრეტულ მომხმარებელს დავუწესოთ ასეთი სახის შეზღუდვები, თუკი ეს უარყოფითად აისახება სხვა მომხმარებლების საიტების მუშაობაზე. სარეზერვო კოპირება და პასუხისმგებლობა მონაცემების დაკარგვაზე

speedline.ge მოწოდებულია უზრუნველყოს მაღალი საიმედობა, ამ მიზნით ჩვენს სერვერებზე მოწყობილია RAID-5 სისტემა, როდესაც მომხმარებლების ფაილების ჩაწერა პარალელურად რამდენიმე მყარ დისკზე ხდება. ერთ-ერთი დისკის დაზიანების შემთხვევაში, მონაცემები არათუ არ დაიკარგება, არამედ ჩვენთან განთავსებული საიტები ჩვეულებრივ გააგრძელებენ ფუნქციონირებას. საიმედობის კიდევ უფრო გასაზრდელად ჩვენს მიერ კვირაში ერთხელ ხორციელდება მომხმარებლის ანგარიშის (ფაილების, მონაცემთა ბაზების, მეილების) სარეზერვო ასლების გაკეთება , რომლის აღდგენა შესაძლებელია. იქედან გამომდინარე , რომ არ არსებობს მომხმარებლების ფაილების არ დაზიანების ან არ წაშლის 100% გარანტია, ხოლო სარეზერვო ასლები ნებისმიერ შემთხვევაში იქნება ხელმისაწვდომი, ჩვენ არ ვიღებთ პასუხისმგებლობას ჩვენს სერვერებზე განთავსებული მონაცემების არ დაკარგვაზე. აქედან გამომდინარე ჩვენს მომხმარებლებს ვუწევთ რეკომენდაციას, დამატებითი სარეზერვო ასლები შეინახონ თავიანთთან. მომხმარებლების ანგარიშებზე, სადაც განთავსებულია დიდი რაოდენობით (ათეულ ათასობით) ფაილები ან დიდი მოცულობის (ათეულობით გიგაბაიტი) ინფორმაცია, სარეზერვო ასლები საერთოდ არ გაკეთდება.

ჰოსტინგის ანგარიშის გაუქმება

speedline.ge უფლებას იტოვებს ყოველგვარი გაფრთხილების გარეშე შეაჩეროს მომხმარებლის ჰოსტინგის ანგარიში, ამ უკანასკნელის მხრიდან მომსახურების წესების დარღვევის გამო. მომხმარებელს უფლება აქვს ნებისმიერ დროს გააუქმოს ჰოსტინგის ანგარიში, თუმცა მას არ დაუბრუნდება წინასწარ გადახდილი თანხა.

ცვლილებები მომსახურების პირობებში

speedline.ge უფლებას იტოვებს შეცვალოს მომსახურების ფასები, თუმცა ის არ გავრცელდება მომსახურების იმ პერიოდზე, რომლის საფასურიც მომხმარებლის მიერ წინასწარაა გადახდილი.

ცვლილებები მომსახურების ფასებში

ვებ-ჰოსტინგის დინამიურად განვითარების გამო მომსახურების პირობები შეიძლება შეიცვალოს და ის გამოქვეყნდება აქ , აგრეთვე გამოგეგზავნებათ ელექტრონული შეტყობინების სახით , თუ კი თქვენ გააგრძელებთ ჩვენი მომსახურებით სარგებლობას, ეს ნიშნავს რომ თქვენ ეთანხმებით განხორციელებულ ცვლილებებს.

კონფიდენციალობა

speedline.ge მის ხელთ არსებული კონფიდენციალურ (პერსონალურ) ინფორმაციას მომხმარებლის შესახებ იყენებს მხოლოდ მომსახურების გაწევისათვის და ვალდებულებას იღებს არ გადასცეს მესამე პირებს მომხმარებლის თანხმობის გარეშე, გარდა საქართველოს კანონმდებლობითა და საერთაშორისო ნორმებით გათვალისწინებული შემთხვევებისა.

გარანტიები

speedline.ge არანაირ პასუხისმგებლობას არ იღებს იმ ზარალზე, რომელიც შეიძლება მიადგეს თქვენს ბიზნესს ჩვენი სერვისებით სარგებლობისას წარმოქმნილი პრობლემების გამო. თუ თქვენ არ გაკმაყოფილებთ ჩვენს მიერ შემოთავაზებული მომსახურება ან არ ეთანხმებით აქ მოცემულ პირობებს, მაშინ შეგიძლიათ შეწყვიტოთ ჩვენი მომსახურებით სარგებლობა.

არბიტრაჟი

speedline.ge-სა და მომხმარელს შორის დავის წარმოქმნის შემთხვევაში, დავა გაირჩევა speedline.ge-ის მიერ შერჩეული არბიტრის მიერ. მიღებული გადაწყვეტილება გასაჩივრებას არ ექვემდებარება.